Bidasoa Lanbide Heziketako Ikastetxe Integratua 40ko hamarkadan sortu zen, eta 1958an zentro ofizial izendatu zuten. Bere historian zehar, ikastetxe honen hezkuntza-eskaintza inguruko gizarte-eskaeretara egokitzen joan da, eta, batez ere, industria-espezialitate tradizionaletan eman da erantzuna: metala, Zura, Elektrizitatea eta Elektronika.
Deskribapena
Prestakuntza-zentroak zurgintza eta altzariak, fabrikazio mekanikoa eta elektrizitatea eta elektronika lanbide-arloetako hamar titulazio ematen ditu.
Maila Erdiko Zikloak: Mekanizazioa, Instalazio Elektriko eta Automatikoak, Telekomunikazio instalazioak eta Instalazioa eta Altzari-hornikuntza.
Goi Mailako Zikloak: Fabrikazio Mekanikoko produkzioaren programazioa, Fabrikazio Mekanikoko Diseinua , Sistema Elektroteknikoak eta Automatizatuak, Mantentze-lan Elektronikoa, Telekomunikazio eta Informatika sistemak eta Diseinu eta Altzarigintza.
Baldintzak
Erdi-mailako zikloetan sartzeko baldintzak.
- Titulu hauetakoren bat izatea:
- Derrigorrezko Bigarren Hezkuntzako graduatua
- Oinarrizko Lanbide Heziketa
- Batxilergoa
- Unibertsitate-titulua
- Erdi-mailako edo goi-mailako beste titulazio bat
- Edo gainditu izana:
- Hasierako Lanbide Prestakuntzako Programa baten nahitaezko moduluak
- Hezkuntza-administrazioak baimendutako ikastetxe publiko edo pribatuetan erdi-mailako zikloak egiteko berariazko prestakuntza-ikastaro bat, ikastaroa amaitzen den urtean 17 urte beteta izatea.
- Erdi-mailako edo goi-mailako heziketa-zikloetara sartzeko proba edo unibertsitatera sartzeko proba 25 urtetik gorakoentzat.
- BBBko bigarren maila, gehienez 2 irakasgai gainditu gabe.
- IEEko lehen zikloko bigarren maila.
- UBI edo PREU.
- 1963ko planaren hirugarren maila, edo Arte Aplikatuen eta Lanbide Artistikoen irakaskuntzen bigarren maila
Goi-mailako zikloetan sartzeko baldintzak:
- Titulu hauetakoren bat izatea:
- Batxilergoa
- BBB
- Unibertsitate-titulua
- Erdi-mailako edo goi-mailako beste titulazio bat
- Edo gainditu izana:
- Batxilergo Esperimentaleko edozein modalitatetako bigarren maila
- UBI edo PREU
- Goi-mailako heziketa-zikloetara sartzeko proba
- Unibertsitatean sartzeko 25 urtetik gorakoentzako sarbide-proba
Gainera, erdi-mailako edo goi-mailako heziketa-zikloetako plazen eskaria eskaintza baino handiagoa bada, hezkuntza-administrazioek kuotak eta lehentasunak ezarri ahal izango dizkiote ikastetxeari.